မင်းခိုက်စိုးစံ

(ဘူတာရုံနဲ့တူတဲ့ ကောင်မလေး)

-ဥသြဆွဲချင်ရုံသက်သက်နဲ့တော့
ငါ့ သံယောဇဉ်တွေ ခုတ်မောင်းထွက်ခဲ့တာ မဟုတ်ပေဘူး
အဲဒီ ဘူတာရုံကလေးရေ...လွမ်းတယ်....။
-အရမ်းကြီး မဟုတ်ပေမယ့် ...တစ်ခါတစ်ခါ
ယောကျာ်းတစ်ယောက်မှာလည်း
စိတ်အားငယ်ခွင့် ရှိတာပဲ မဟုတ်လား။
-ပန်းသီးတွေ ခါးတဲ့ကာလက
ရှည်လျားလှချည်လားကွယ်....
ပြောပါ...မင်း ငါ့ကို ဘယ်တော့ အိပ်မက်မက်မှာလဲ။
မင်းပိုင်ဆိုင်တဲ့ အိပ်စက်ခြင်းရဲ့ တံစက်မြိတ်အောက်မှာ
ငါ....
တိတ်တိတ်ကလေး ရပ်စောင့်နေတာ ကြာပြီလေ...။
-ဣနြေ္ဒစိမ်းစိမ်းတွေ လိမ်းသုတ်
ချစ်ခြင်းတွေ ကုန်တင်ကုန်ချလုပ်ခွင့် မပြုတဲ့
မင်းရဲ့ ဘူတာရုံကလေးဆီ...
....လာမယ်.......။
မင်းရဲ့ ဘူတာရုံကလေးဆီ....
....လာမယ်.......။
- ဟောဒီကောင်.....ရင်ဘတ်တစ်ခြမ်းနဲ့
ကိုယ့် သံလမ်း ကိုယ်ဖောက်ခဲ့တာပါ...။
....နောက်ကျသွားတယ်။
အလွမ်းတွေ စိုက်ခင်းတစ်ခုလုံး ပွင့်တဲ့ အချိန်မှာမှ
ငါ ဆိုတဲ့ကောင်က
တည့်တည့် ကြီး ရောက်ချသွားခဲ့တာပေါ့ကွယ်...။ ။






(ကောင်မလေးရဲ့ မိုးလေ၀သ)

ငါ့မှာ..သုံးရာသီကိုတစ်ရက်စွန်းတဲ့အထိ

မင်းရဲ့မိုးတိမ်တွေနဲ့ပဲ သာယာနေမိတယ်..

ကောင်မလေးရေ....

မင်းဘယ်တော့ရွာချလိုက်မှာလဲ..

မြေကြီးထဲက သံယောဇဉ်အမြစ်တွေ

အိမ်မက်နဲ့ပဲ စိုစွတ်နေရပေါ့..။ ။



မင်းခိုက်စိုးစံ


(..........)

ဆယ့်နှစ်ကြိုးကဝေအတတ်နဲ့.

(ငါ့ရင်ထဲက ) မီးခတ်တဲ့ စကားလုံးတွေကိုသတ်ငြိမ်း..

အိမ်မက်သိမ်းတမ်း ပြုစားတတ်တဲ့ ..ရွာသူရေ

ရင်ခုန်သံတွေကိုပဲ..ခေါစာပစ်လိုက်တယ်..

သခင်မ..

ပျော်ပါ...ပါးပါ..စားပါ..သောက်ပါ..

မရိုမသေ တမ်းတမိတဲ့..

ဟောဒီက အမိုက်အမဲကောင်ကိုလည်း အပြစ်ကလွှတ်တော်မူပါ..

မီးစတစ်ဖက်..ရေမှုတ်တစ်ဖက်

အကြည့်လက်လက်တွေကိုလည်း

ပေးသနားတော်မူပါ..

' တရားဝင်စစ်ကြေငြာပြီးမှ မတွယ်တာရရင်...

ဘာမှမလုပ်ချင်ဘူး' ဆိုတဲ့

ဟောဒီက ငပျင်း...အတွက်

လက်ကြောတင်းအောင်..လွမ်းခွင့်ပြုတော်မူပါ..။ ။



မင်းခိုက်စိုးစံ